Aleš Debeljak (lindur më1961 në Ljubljanë) është diplomuar për letërsinë krahasitare në Universitetin e Ljubljanës dhe ka fituar Doktoraturën për Mendimin Social në Shkollën e Qytetarisë dhe Çështjeve Publike Maksuell të Universitetit të Sirakuzës në Nju Jork. Ai ka qenë Anëtar Fulbright me të drejta të plota në Universitetin Berklej të Kalifornisë dhe anëtar i Institutit të Studimeve të Avancuara – Kolegjiumi i Budapestit. Aleš Debeljak ka publikuar 12 libra me ese dhe 7 libra me poezi në gjuhën amtare sllovene. Librat e tij poetikë, botuar në gjuhën angleze përfshijnë: Anxious Moments – Momente të ankthshme (White Pine 1994), The City and the Child – Qyteti dhe Fëmija (White Pine 1999) dhe Dictionary of Silence – Fjalori i Heshtjes (1999). Librat e tij me ese kulturore përfshijnë: Twilight of the Idols: Recollections of a Lost Yugoslavia – Muzgu i Idhujve: Kujtime të një Jugosllavie të Humbur (White Pine 1994), Reluctant Modernity: The Institution of Art and its Historical Forms – Modernitet Ngurrues: Institucioni i Artit dhe Format e tij Historike (Rowman& Littlefield 1998), The Hidden Handshake: National Identity and Europe in Postcommunist World – Shtrëngimi i Fshehur i Duarve: Identiteti Kombëtar dhe Europa në Botën Post-Komuniste (Rowman&Littlefield 2004) si dhe një antologji gjithëpërfshirëse me titull The Imagination of Terra Incognita: Slovenian Writing 1945-1995 – Imagjinata e Terra Incognita: Shkrimet Sllovene (White Pine 1997), vepër e redaktuar prej tij. Aleš Debeljak ka përkthyer poezi të zgjedhura nga John Ashbery. Ai është laureuar me Çmimin e Fondacionit Prešeren (Çmimi për Librin Kombëtar Slloven), Çmimin Miriam Lindberg Poezia Izraelite për Paqen, në Tel Aviv si dhe Çmimin Chiqyu të Poezisë në Tokio. Ai është shpallur dhe Ambasador i Shkencës i Republikës së Sllovenisë. Librat e tij janë botuar në japonisht, anglisht, gjermanisht, kroatisht, serbisht, maqedonisht, polonisht, hungarisht, çekisht, sllovakisht, spanjisht, gjuhën katalanase, lituanisht, finlandisht, rumanisht dhe italisht. Aleš Debeljak ka punuar si redaktor i Shifting Borders: East European Poetries in the Eighties (Fairleigh Dickinson University Press 1993) dhe Prisoners of Freedom: Contemporary Slovenian Poetry (Pedernal 1993) për paragrafët në gjuhët sllovene, kroate dhe serbe. Ai njihet si një prej botuesve themelues të revistës Blloqet e Shënimeve të Sarajevës dhe një prej botuesve të revistës Vargu, Debeljak është dhe kryeredaktor i “Terra Incognita: Shkrime nga Europa Qëndrore” një seri librash kjo e botuar nga shtëpia botuese White Pine Press, Buffalo, në Nju Jork. Ish profesor i Studimeve Ndërkombëtare ‘Roberta Buffet’ në Universitetin Northwestern të Çikagos, Debeljak drejton Qendrën për Studime Kulturore dhe Fetare të Universitetit të Ljubljanës duke qenë njëkohësisht edhe profesor periodik i College d’Europe, Natolin-Varshavë.