Américo Rodrigues ka lindur më 1961, në Guarda të Portugalisë. Ai ka kryer punime eksperimentale zanore që më 1979, kohë në të cilën ka bashkëpunuar me aktoren Catherine Dasté, në Paris. Ai është poet vokal, aktor, producent dhe programator i një sërë eventesh kulturore. Si poet ai ka botuar një mori veprash dhe objekt-poemash. Ka zhvilluar në vijimësi punime të improvizimit vokal për teatrin, muzikën, poezinë, kërcimin dhe performancën. Përpos vokalit ai ka përfshirë në performancë lodrat, fishkëllimat, siloset metalike, boritë dhe trumpetat plastike. Ai ka marrë pjesë në një sërë performancash improvizimi vokal dhe muzikor së bashku me Carlos Zíngaro, Gunter Muller, Silvia Barrios, Nuno Rebelo, Catherine Jauniaux, Shelley Hirsch, Elke Scheuffele, Frances Lynch, dhe Phil Minton, ndër shumë e shumë të tjerë. Po ashtu ka marrë pjesë në sesione të veçanta improvizuese së bashku me Carlos Zíngaro, Jeffrey Morgan , Gregg Moore, Nuno Rebelo, Jean-François Lézé, José Braima Galissa, Harry Dawes, Hiroshi Kobayashi, Patrick Brennan, Nirankar Khalsa, Cristin Wildbolz, Ly Thanh Tiên, Josep-Maria Balanyà, Ulrich Mitzlaff, Stefano de Bonis, Nilo Gallego, Riccardo Massari e shumë të tjerë. Disa prej temave të tij përfshijnë antologjinë “Wat Out-New music from Portugal. Volume II”, të prezantuar për publikun nga Ananana. Në vitin 2000 ai ka prezantuar CD “O despertar do funâmbulo” (“Ngritja e funambulistit”) — Aquilo dhe Audeo. Po ashtu ka qenë një nga pjesëmarrësit në Homo Sonorus (antologjia ndërkombëtare e poezisë vokale” (Kaliningrad, 2001). Në vitin 2000, ai ka bërë një sërë prezantimesh në Brazil (Rio de Janeiro, São Paulo, Belo Horizonte dhe Maceió) si dhe ka marrë pjesë në Ciclo Internacional de Poesia Sonora (Rrethi Ndërkombëtar i Poezisë Vokale). Në vitin 2001 ai ka iniciuar 2 shfaqje të poezisë vokale të titulluara “Como um relâmpago” and “Chamamento” (“Si Rrufeja” dhe “Thirrja”). Në vitin 2003, ka publikuar një regjistrim të poezisë vokale me titull “Escatologia” (“Eskatologji”). Në vitin 2004, së bashku me Jorge dos Reis, publikojnë CD “Trânsito local, trânsito vocal” (“Trafiku lokal, trafiku vokal”). Së fundmi (më 2005) ka publikuar “Aorta tocante” (“Aorta performuese”). Américo Rodrigues aktualisht është drejtori artistic i Teatrit Bashkiak të Guardës (Teatro Municipal da Guarda). Ai është Kandidat i Shkencave të Oratorisë i universitetit të Aveiros. Punimet e tij janë paraqitur me sukses të jashtëzakonshëm në një sërë festivalesh në Europë dhe Amerikën e Jugut.