Demosthenes Agrafiotis (1946) është aktiv në lëmin e poezisë, pikturës, fotografisë, intermedias dhe nënfushave të tyre, duke botuar një sërë vëllimesh poetike dhe esesh si dhe duke hapur ekspozita fotografie dhe pikturash në Greqi dhe në vende të tjera. Ai ka një interes të veçantë në lidhjet ndërmjet artit dhe teknologjive të reja përsa i përket projekteve të multimedias dhe intermedias, sikurse edhe në anën performative të poezisë.
Esetë e tij i përkushtohen analizës së një morie të formave të artit dhe fenomeneve kulturore. Demosthenes Agrafiotis ka marrë pjesë në shumë aktivitete artistike të llojeve të ndryshme; publikime, iniciativa të shtypit dhe projekte të postimit të artit konvencional dhe alternative.
Revista e drejtuar prej tij, ‘Clinamen’ (1980-90) e një formati antologjik, që botohet në bashkëpunim me Botimet Erato Athinë (1991-94), mbetet aktive prej më se një dekade si një amalgamë e poezisë dhe artit grek, europian dhe amerikan. Falë revistës 'Clinamen', vetëm në periudhën 1980-1995 janë botuar 7 libra artistikë. Pas vitit 1996, ‘Clinamen’ është përqendruar në krijimtarinë e librave artistikë (18). Që prej vitit 2001 revista 'Clinamen' ndodhet dhe në faqet e internetit.
Demosthenes Agrafiotis mbetet një kontribues aktiv në fushat e poezisë, pikturës, fotografisë dhe intermedias deri në ditët e sotme. Interesi i tij i veçantë mbetet në lidhjet e artit dhe tekno-shkencës.
Për sa i përket poezisë Demosthenes Agrafiotis ka një sërë botimesh në revistat greke dhe të huaja në gjuhët angleze, franceze, italiane, daneze, japoneze dhe portugeze. Ai shfaq interesim të veçantë në lëmin e poezisë vizuale dhe konkrete. Po ashtu, ai ka një bashkëpunim të vazhdueshëm me revista të poezisë eksperimentale në Francë, Spanjë dhe Japoni. Ai ka botuar 12 vëllime me poezi në gjuhën greke, 7 në frëngjisht, 1 në anglisht, 1 në portugalisht dhe 1 në serbo-kroatisht. (Poezitë e tij mund të gjenden edhe në faqet web http//:www.multimania.com/lexicons, http://www.greece-japan.com/agrafiotis.htm. )
Demosthenes Agrafiotis ka hapur disa ekspozita në Greqi dhe vende të tjera, 15 prej tyre vetjake dhe 59 të përbashkëta. Ka një pjesëmarrje të gjerë në një sërë projektesh artistike si publikime, ekspoze, risi teknologjike, multimedia, arti me postë, arti në faqet web, etj… Demosthenes Agrafiotis ka marrë pjesë edhe në aktivitete të ndryshme si në Greqi ashtu dhe jashtë saj, prej të cilave 7 ekspozita vetjake dhe 35 të përbashkëta. Ai ka bërë mbi 40 botime fotografish, 40 tekste mbi fotografinë si dhe ka botuar një libër për këtë fushë. Kohët e fundit ka shkruar 2 libra për rregullat e fotografisë artistike, ka qenë kurator i 2 ekspozitave mbi fotografinë dhe pjesëmarrës në 38 shfaqje. Që prej vitit 1998 dhe deri në vitin 2004, ai ka qenë anëtar i Komitetit Këshillimor Kombëtar për Fotografinë artistike. Demosthenes Agrafiotis ka veprimtari të gjerë në fushë të imazhe, në muzikë dhe poezi In-mobile si dhe pjesëmarrës në 72 shfaqje të ndryshme për multimedian dhe intermedian. Demosthenes Agrafiotis ka botuar 11 vëllime me ese për artin si fenomen socikulturor dhe mardhëniet e artit dhe tekno-shkencës.