Joumana Haddad është një poete, aktore dhe artiste.
Ajo ka botuar deri më sot disa vëllime poetike të cilat janë mirëpritur gjerësisht nga kritika. Librat e saj janë përkthyer në shumë gjuhë dhe botuar edhe jashtë vendit. Zotëron shtatë gjuhë të huaja dhe ka botuar një sërë veprash të përkthyera përfshirë këtu dhe një antologji të poezisë moderne libaneze në spanjisht, vepër kjo e cila është botuar në Spanjë dhe në një sërë vendesh të Amerikës Latine, si dhe ka botuar një antologji të 150 poetëve të vetëvrarë të shekullit XX. Joumana Haddad ka intervistuar një sërë shkrimtarësh të shquar si Umberto Eco, Paul Auster, Jose Saramago, Peter Handke, Elfriede Jelinek, e të tjerë. Joumana Haddad është laureuar me Çmimin Arab për Gazetarinë në vitin 2006. Në vitin 2009, bëhet bashkëskenariste dhe aktore në një film të regjisores Libaneze Jocelyne Saab të titulluar ‘Ç’po ndodh?’. ("What's going on?"[3]). Ajo ka marrë pjesë dhe në një dokumentar të regjisorit Nasri Hajjaj, i cili bën fjalë për poetin palestinez Mahmoud Dervish. Joumana Haddad është drejtoreshë e seksionit të faqeve kulturore të gazetës prestigjioze An Nahar, administratore e çmimeve letrare IPAF (Arab Booker) si dhe kryeredaktore e revistës Jasad , një revistë kontroversiale arabe e specializuar në letërsi dhe artet trupore. Ajo është gjithashtu anëtare e Komitetit Libri dhe leximi, pranë Ministrisë libaneze të Kulturës.

Bibliografia Bibliografia e librave botuar në arabisht: Koha për një ëndërr, poezi, (1995), Ftesë për një festë sekrete, poezi, (1998), Dy duart e humnerës, poezi, (2000), Nuk kam mëkatuar sa ç’duhet, poezi të zgjedhura, (2003), Kthimi i Lilith, poezi, (2004), Pantera e fshehur në fund të supeve të saj, poezi të zgjedhura, (2006), Në shoqërinë e vjedhësve të zjarrit, Biseda me shkrimtarë ndërkombëtarë, (2006), Vdekja do të vijë dhe do të ketë sytë e tu, Antologji e 150 poetëve të vetëvrarë, (2007), Zakone të këqija, poezi të zgjedhura, (2007) Pasqyra kalimtarësh, poezi, (2008)

Bibliografi e librave botuar në gjuhë të huaj

Damit ich abreisen kann, 2005, Lisan Verlag, Basel, Zvicër. Allí donde el río se incendia, 2005, Ediciones De Aquí, Málaga, Spanjë/ 2006, Fundación Editorial El Perro y la Rana, Caracas, Venezuela/ 2007, Editorial Praxis, Meksiko, Meksikë/ 2007. Cuando me hice fruta, 2006, Monte Ávila Editores, KaraKas, Venezuelë. El retorno de Lilith, 2007, Editorial Praxis, Meksiko, Meksikë. Le retour de Lilith, 2007, Editions L’Inventaire, Paris, Francë. Liliths Wiederkehr, 2008, Verlag Hans Schiler, Berlin, Gjermani. Invitation to a Secret Feast, 2008, Tupelo Press, Vermont, SHBA. Madinah, city stories from the Middle East, 2008, "Comma Press", Mançester, Mbretëria e Bashkuar. Adrenalina, 2009, "Edizioni del Leone", Venecia, Itali.

Vlerësime për krijimtarinë e Joumana Haddad:
"Poezi që të lë pa frymë dhe që ecën deri në skaj"
—:Tahar Ben Jelloun, poet dhe shkrimtar Maroken
Një poezi e cila është njëherazi sensuale dhe intelektuale; anarkike dhe gjakftohtë"
—Marilyn Hacker, Poete, Amerikë
"Një poezi kompleksë, diku egërshane, diku e butë, por që gjithnjë lëviz. ".
—:David Harsent, Poet, Britani e Madhe
"Një zë i unik që nxjerr në pah transformimet e shkrimeve të çlirimit ".
—Enrique Hernández De Jesús, Poet dhe artist, Venezuelë.
"Një zë i çmuar dhe joshës që e tërheq lexuesin me shumë përkujdesje përpara se ti zbulojë atij një brendi dhe urtësi të përshpirtshme "
—Jeffrey Levine, Botues, Amerikë
"Poete e cila flak tej të gjitha imazhet stereotipike për gruan Arabe "
—Valentina Colombo, Orientaliste Italiane
"Në poemat e saj ajo shpalos fjalën tentakulare të gruas-hidër, duke i dhënë jetë kësisoj zërit të një gruaje të fortë sa edhe të mrekullueshme. "
—Brigitte Ouvry-Vial, Botuese, Francë

KTHIMI I LILITH

Unë jam Lilith
Perëndesha e dy netëve që kthehet nga mërgimi.